عـــــــــــــــــار.................يه
اسمعوا اخر القرارت الجهنميه
من حكومة ظاظا المفتريه
ان الحكومه هتشيل العجينه من الطعميه
وتمنع شهق النسوان وهى بتحط التقليه
وهى بتطبخ الملوخيه
وممنوع تعين اى شخصيه
الا لما يكون معاها مستند من وزارة الداخليه
يثبت انه سوابق وانه من عيله حراميه
وف الاخر ببعت تهانيه
الى الحاجه انعام والحاجه خيريه
وبخص بسلامى حكومتنا المهلبيه
ما تزغرطى يا وليييييييييييه
posted by مفلس افندى الرايق @ 4:23 AM
18 Comments
18 Comments:
مبررررروووووووووووررررررررر
مبروك المدونة
مش عايز انكد عليك واقول لك مبارك عليك المدونة
هههههههههههههههههههههههههههههههههههههههه
ليه كده تنكدى عليه هههههههه انا بعيط من المبارح
تعليقك كان جارح
اصل انا نفسى اكون فالح
واعمل فول بالزيت المالح
تشرفت بتعليقك ووجودك ف المدونه بجد وميرسى على الحضور الجميل
انا اللى اشكرك على مرورك على مدونتي وتعليقاتك المرحة اللطيفة
والحقيقة الشكر موصول لشادي لاني باتعرف على مدونات حلوة عن طريق مدونته
الزجل اللى بتكتبه حلو قوي
ودمه خفيف كمان
بس شوف زيت تاني غير الزيت المالح
هههههههههههههههههه
يا زيت يا مالح امشى بعيد
انا راح اجيب زيت جديد
زيت يزيت مخ الشعب
ويبقى الشغب مره سعيد
وزيت يلين قلب حكومتنا
وتزوع لحمه على العيد
كله من زوقك يا Bella
شادى ده استاذى وهو اللى خلانى اعمل مدونه واهو بتعلم كل يوم منه حاجه
شكرا كمان مرة يامفلس افندي
الحقيقة ردودك لطيفة جدا وتدل على موهبة في كتابة الزجل
استمر
اما شادي هو صحيح استاذ بس كسول
كل فين وفين على مايكتب حاجة
عموما الجو العام محبط وكلنا زهقانين
ماهو بينى وبينك لازم نحاول نبسط الناس ولو بالكلمه المرحه علشان نقدر نعيش
Bella
لولولولوي
اديني بزغرط اهو يا مفلس
علي الخيبة و الوكسة بنألس
و الحكومة عمالة فينا بتحبس
و احنا بنزغرط
و نهلس
و عجبي
----------
ازيك؟
ازيك يا كلبوظه تصدقى لو ماكنتيش رديتى كنت جيت ادور عليكى ف المدونه بميكروفون
اخبارك ايه؟؟؟
:):)
بجد مش عارفه اعلق اقول ايه
كتابتك بسخريه جميله جدا
بس الاسف مش بعرف ازغرط
عموما تفائل
شــــــرين
ما تعلقيش تعرفى ان مجرد وجود اسمك ف المدونه بدون تعليق ده واحده اكبر شرف
بس اتعلمى تزغرطى بقى
قولى ورايا
لولولولىىىىىىىىىىىىىىىىى
ميرسى على ذوقك
تصدق حاولت اتعلم قولت يمكن تنفعنى
بس للاسف فشلت
:)
عموما
لولولولىىىىىىىىىىىىىىىىى
:):)
ما انتى حلوه اهو وبتعرفى تزغرطى
ههههههههههههههههههههههههههههههههههههههههههههههههههههه
والله إنت مشكله
وبخص بسلامى حكومتنا المهلبيه
ما تزغرطى يا وليييييييييييه
ma 7ad yz3'ret ya gam3a:)
ur very talented 3la fekra fel zagl , mosh da zagl brdo ??
لولولولولولولولى
بس أنا بس ليا تعليق صغير
مش عيب تتكلم عن طنط الحكومة كده
بعد ما ربيتك و أكلتك أكل زبالة و لبستك الهواء نجيب سيرتها بالبطال
مش عارفة انت شوفت فيلم عمارة يعقوبيان و للا لا
بس كان فى جملة لخالد صالح كان بيقول لنور الشريف
" الشعب كله ماسك فى ايد الحكومة كإنها أمه حتى لو كان عارف ان أمه مشيها بطال أو جايباه من الحرام "
مش فاكرة النص بالظبط
حد بقى يقول على ست الفضيلة الحكومة كده
؟
مساء الخير يا رايق انت يا عسل....ازيك.....والله اسمك هو لي خلاني ادخل اطل عندك هنا وكمان شفت تعلقاتك كلها عند الاخوة البلوجرية فيه كدة سخرية وخفة دم جميلة اوي قلتي ميضرش نشوف الافندي دا وراه ايه...بس بجد لما دخلت لقيتك اسم على مسمى والله وكلامك جميل وزجلك يجنن...ربنا يوفقك وتؤنسنا وتسعدنا بكلامك اكتر...علشان انت طبعا عارف اننا مليانين هموم من البلد دي ولي بتعملو فينا...منور ودايما رايق....
Post a Comment
Subscribe to Post Comments [Atom]
<< Home