الشباب قلبه بيوجعـــه
وعاوز حكومه تشغلـــه
الشباب بيقول الا اه
وحكومتنا مش رحمــاه
يا حكومه يا مفتريه
بالراحه ع الشعب شويــــه
اديله حبة حنيــــه
الناس منكم فرقعـــــــوا
والواد قلبه بيوجعـــــــــــــــــــــــــــــه
الواد مين ده يا عم انت
اما انت طلعت مواطن سكه
الواد ابوه ناوى يركبه
على مهرته مصر ويدربه
علشان يعرف يسوق الشعب
ويأدبــــــــــــــــــــــــه
انا عامل شوية شاى
تشـــــــــــــــربوا؟؟؟
بس الشاى من غير سكر
تجربـــــــــــــوا
اصل السكر غالى
وانا الفلوس منى بيهربــــوا
زى ما يكونوا بحبوا الكبار
وخايفين من الشحاتين اللى زينا
يتجربــــــــــــــوا
معاها حق الفلوس تهرب مننا
دى حتى العرايس من الزواج
حرمــــــــــــــــــــــــــوا
جهاز وشبكه وعفش وشقه
يبقى ازاى هتتجــــوزوا
يا جماعه ما نبسط الموضوع
وباى حاجه تتجهــــزوا
وبالحب ممكن تتحملوا الصعب
وبكره مع الايام تكبروا
مين فينا ماكنش صغير
بس المصيبه انكم يوم عن يوم
بتصغــــــــــــــروا
اصل قانون الجاذبيه ف مصر
خلى الناس كل مادى
من الارض يقربــــــــــــــوا
يبقى هتشربوا الشاى ساده؟؟؟
ولا تقولوا لا . وتوفــــــروا
posted by مفلس افندى الرايق @ 4:23 PM
25 Comments
25 Comments:
:)
:)
روح دور ع الحنيه بعيد ع الحكومة
الحكومة مش بتوزع حنان بتوزع حرمان بس
لو مش عاجبك روح اركب قطر او عبارة
ههههههههههههههه
انا لا اركب قطر ولا عباره
انا هاركب يا سيتى حماره
هى اللى على قد امكانياتى
ونموت انا وهى غرقانين فى بييـــــــــــاره
ههههههههههههههههه
منورانى
واد يا مفلس
حلو كلام الفلس بتاعك دة
انا بادور على حد مفلس بس على مقاسى
عندك؟؟
ههههههههه
تحياتى الك
شهروزة
عندى واحد مقاس قلبه اربعين
ومعاه هديه رباط محبه للعمر
وحديقه مكتوبه باسمك مزروعه بزهر الياسمين
موافقه ها تحبى اقولك هو مين؟؟؟؟
وبالحب ممكن تتحملوا الصعب
وبكره مع الايام تكبروا
مين فينا ماكنش صغير
أنت حتنصب يا مفلس ؟؟؟؟؟؟؟
وبعدين انت سمعتها لى كانت احسن من كده شلت الكلام القبيح ليه يابنى؟!!!!
علشان الرقابه ثم كلام ايه اللى شيلته دانا بضرب من تحت الحزام والحدق يفهم
مين فينا ماكنتش صغير كمل المقطع هتلاقى بس المصيبه انكم يوم عن يوم بتصغروا
يعنى ببراكة حكومتنا المصونه الشعب حاله ف النازل يوم عن يوم
:)
بجد انا حاسه انى اول مرة اقراها
الواد ابوه ناوى يركبه
على مهرته مصر ويدربه
ما هو لو فى حد بيقول لا وناس على حقها بتدور ماكنش المهرة ركبها غير اللى يستاهل ولا هى خلاص بقت ملكيه وحق مكتسب
وبالحب ممكن تتحملوا الصعب
وبكره مع الايام تكبروا
مين فينا ماكنش صغير
دا الطبيعى لما يكون فى بريق امل فى الحياه الصغير بيكبر لكن لما يكون صغير وبيَصغر يبقى ازاى هايكبر
ولو ع الجواز
اممممممممممم
بقى حاجة كماليه مش اساسيه فى البلد دى
عموما
متقلش اكيد فى امل تتجوز
:)
moorgen
خلاص انا هاسيب موضوع زواجى عليكى بقى انتى تختارى العروسه اوكى
بس تكون عروسه على المقاس
عينها خضره بشعر اصفر
امشى اتباها بيها وسط الناس
او يكون شعرها اخضر
او تكون شبه الاناناس
ويكون كمان قفاها اسمر
هههههههههههه
بس كدا يا مفلس انت تأمر
يا سيدى حتى لو مش ع المقاس نعمللك واحدة مش بقت تفرق
لو ع العيون تركب عدسات
والشعر تديله صبغة
عموما عندى عروسه سودانيه زى القمر هاتتباها بيها ومش هاتكلفك حاجة
بس ابقى ابعت لى مواصفاتك وعنوانك
هههههههههههههههههههه
حكومة تشغلة دي مرحلة وانتهت دلوقتي الحكومة مش سايباة يشتغل في حالة حتي ياتعقدلة الحكاية يا تديلة قرض وتسجنة بية :) نص مستصلحي الاراضي وبتوع المشاريع الصغيرة بقوا اصحاب سوابق
الولد ركب ولا ماركبش غرقانة، احنا بنصغر عندك حق في دي
بص هيا عاجباني اوي ونهايتها عاجباني اكتر فمش هاعمل فيها بافهم واحللها عجباني وبس :)
moorgen
ههههه ماشى هاقولك الموصفات بس تحبى اقولها على الملاء هنا ف المدونه ولا ؟؟؟
saso
ميرسى قوى لكلامك الجميل
اصل اللى بيشتغل من الشباب ف الزمان ده قليل
ولازم نشوف حل او نشوف بلد بديل
تعبنا خلاص من القهر ومن ليل الظلم الطويل
دانا بقيت بشترى كل يوم علبة مناديل
والدمع بقى مالى عيونا واشتكت المراسيل
هل بابا ناوى يدينا مصروف النهارده
ام هيفضل كده بخيل
معاكى ربع جنيه سلف اشترى حبل غسيل
اعلق عليه امالى ف ظل حكومه نظيف برسيل
اممممممممم
يعن ايه ولا؟؟؟
شكلك فهمتنى غلط
:)
كدا ازعل
ههههههه
دى اخرتها
لا هما بيشتغلوا بس للة والوطن او علشان يجيبوا الفلوس اللي بيصرفوها علشان يروحوا !!زيي كدة انا والشابة اللي معلقة فوقي دي
وطن بديل في عينهم بلدنا انشاللة نعملها مكعبات ونرصصها ونوقعها زيادة ماهي واقعة
ياختى ياشيرين ولا تفهمى غلط ولا بتاع كنت هابتعلك ميل بموصفاتى ومواصفاتها ماتبقيش فهمانى غلط كده خلاص بقولك ايه بلاش من موضوع الزواج ده وياختى انا هاعنس وخلاص هما اللى اتجوزا خدوا ايييييييييه؟
saso
حلوه فكره المكعبات دى البنات يعملو مكعبات والولاد يعملوا مكعبات لوحدهم والحكومه تخبطنا من تحت الحزام وهوب كلنا ننهار اكتر ماحنا منهارين
اية دة انت انضميت لحركة كلنا ليلي ؟؟ يا كل واحد يلعب لوحدة يا نلعب سوا
هنعمل فريق بنات وفريق ولاد ؟ طيب انا مش لاعبة
لا انا حركتى بتبقى ورى اكل عيشى يعنى انتى عندك قطط يبقى انتى حركتى
يا باشا بس انا هاحدد ميعاد مع القطه وهنعمل انا وهى حزب لوحدنا نسميه حزب نونونونونونو
جامدة اوي وبعدين يا عم لو عايز تشرب شاي تعالي اشرب عندناعندنا سكر كمان
Mongey
سكر كمان لا انتوا بقى اكيد من بلد غير مصر
انت من كوكب الارض؟؟؟
ههههههه منور يا باشا
انت دمك زي العسل و الله
Amira Hassan
ربنا يكرمك بس ماتقوليش لحد انه زى العسل للنمل يتلم والشعب اصلا نفسه يشوف العسل زى ما نفسه يشوف اللحمه والعيش النظيف
بجد تعليقك اسعدنى وخلانى كده عاوز ابقى من ملكات النحل هههههه
اتمنى نتبادل الزيارات علشان نعمل منحل عسل
تصفيق حاااااااااااد
looooooool
m3a eny dont like that song bs u turned it to a wonderful poem :)
والله عسل عسل عسسسسسسسسسسسسسسسسسسااااااااااااال يا الد رايق في الدنيا ...لاء دانتا لي لسة مدخلشي عندك وشاف بعينو يبقى لسة مش عايش وفاتو كتيييييييييييييييررر اوي.....يا بني تعالى عندنا وانا اعملك شاي وقهوة وعصير ومنجة وقرفة وكل لي نتا عاوزو بس ...انت ترضا...ليلتك فل على ياسمين
الغريبة ان المحروس كل يوم يطلع يقول انه مش عايزها ومش هياخدها
يكونوش بيتحيله عليه وهو اللى مش راضى
ما احنا خلاص بئينا نهيبة وبيتعزموا بيها على بعض
انا ازاي مشوفتش المدونة دي قبل كدة؟؟
عامة اهي الحكومة موزعتش حنان بس سويرس بادر بشوية حنان ولله لو كل واحد عمل زي سويرس ووفر 1000 فرصة بس هتتحل المأساة بس "لو" بقى
حلو اوى يا فندم :)
لي عودة اكيد باذن الله
Post a Comment
Subscribe to Post Comments [Atom]
<< Home